Fatmir Sejdiu i del në krah Vjosa Osmanit, kritikon ashpër Mustafën dhe Hotin!

Fatmir Sejdiu ka komentuar zhvilimet e ditës së djeshme në Kuvendin e Kosovës.

Ish-Presidenti Sejdiu në një prononcim në “Debat Plus” thotë se votimi i qeverisë me 61 vota e sjell Kosovën në situatë të brishtë.“Situata ka qenë tepër komplekse në kuptimin e përgjithshëm pasi mocioni i mosbesimit ka ardhur për shkak të mosbesimit të ndërsjellë të partnerëve të koalicionit. Tash kemi një situatë kur qeveria është votuar me 61 vota që është situatë fragjile dhe e brishtë. Unë uroj që Kosova të gjej shteg të kapërcyeshëm për të përballuar këto sfida”.

Ish-kryetari i LDK-së thotë se koalicioni u formua nga grimca shumë të vogla e që sipas tij ka ndodhur edhe herëve tjera.

Duke folur për qëndrimin e Vjosa Osmanit, Sejdiu thotë se ajo ka vendosur t’iu qëndrojë besnike votuesve të saj.“Në këtë moment ajo ka konsideruar se ky qëndrim duhet të shkojë deri në fund”.

Sejdiu thotë se LDK duhet të lejojë fjalën e lirë por që sipas tij deri më tani në disa raste ka zyrtarë që janë sanksionuar.“Është mendim i saj dhe nuk do të dëshiroja të komentojë më tepër”, shtoi më tej Fatmir Sejdiu.