Nënkryetarja e PDK-së, Vlora Çitaku, ka thënë se dikur në takime të rëndësishme Kosova ishte palë e jo temë, kurse sot sipas saj është e kundërta.
Ajo, në një postim në Facebook ka shkruar se sot palë është Serbia e Kosova temë.
“Dikur, në takime të rëndësishme ku ishte SHBA-ja, Kosova ishte palë e jo temë. Sot, palë është Serbia e temë Kosova, ndërsa krerët e institucioneve tona sillen korridoreve për të shtrënguar simbolikisht ndonjë dorë, sikur të ishin turistë të interesuar për fotografi e jo përfaqësues të një shteti që i duhet përkrahja e SHBA-së”, shkroi Çitaku.
Çitaku shtoi se me liderët e sotëm të institucioneve jo vetëm që s’janë hapur dyer të reja, por kanë filluar të mbyllën edhe dyert që Kosova i kishte të hapura.
