E pazakontë, i panjohuri ua paguan në fshehtësi borxhet gjithë banorëve të fshatit

Një ngjarje e pazakontë ka ndodhur në Tuzla të Turqisë.

Një person i panjohur po ua paguan borxhet të varfërve, por askush nuk e njeh. Burri misterioz u ka lënë disa familjeve edhe para poshtë derës, në një kohë kur varfëria dyshohet si shkaku kryesor i vetëvrasjeve që kanë “pushtuar” Turqinë aziatike së fundmi.

“Dikush erdhi dhe më kërkoi t’i tregojë fletoren ku unë regjistroja borxhet e klientëve”, i tha gazetarit, pronari i njërit prej dyqaneve.

Më tej, ai shtoi se me vete ky njeri misterioz kishte edhe katër persona të tjerë që mbanin shuma të mëdha parash.

“Unë i pyeta ku jetonin. Ai nuk ma tha, por pagoi të gjitha borxhet. Kam mësuar gjithashtu se ai u ka dhënë para shtesë familjeve të varfra”, u shpreh pronari i dyqanit.

“Kur unë e pyeta për emrin”, tregon pronari i dyqanit, “ai mu përgjigj, “më quaj thjesht Robin Hood”. /Gazeta Sinjali/