Kelmendi: Të gjithë e dijmë nënshtrimin e kësaj qeverie ndaj Serbisë, tani kinse po vendosi reciprocitet

Kryetari i partisë Fjala, Gëzim Kelemendi ka akuzuar Qeverinë Kurti, që sipas tij, iu është nënshtruar Qeverisë së Serbisë.

Kelmendi ka thënë se “populli dhe Kosova nuk meritojnë mashtrime”. Këto komente, ai i bëri përmes një postimi në llogarinë e tij në ‘Facebook.

Tutje, ai ka thënë se kjo qeveri, nga data 1 prill, ia ka mundësuar Serbisë që t’i fitojë 30 milion euro përmes mallrave.

Kelmendi, gjithashtu është shprehur se kjo qeveri, pasi e ka humbur  edhe betejen me Gjykatën Kushtetuese, po e vendosë reciprocitetin me Serbinë.

Postimi i plotë:

Populli dhe Kosova nuk meritojnë mashtrime!

Rreth 30 milion euro mallra nga Serbia kanë hyrë nga 1 prilli në Kosovë, e tash pasi e humbi edhe “betejën” me Gjykatën Kushtetuese, po e vendosë reciprocitetin me Serbinë.

-Kush e nderoi Serbinë me “çmimin e humanizmit” duke ia pranuar 1 mijë teste për COVID-19?

-Kush ia morri 10 milion euro buxhetit për pagesën e rrymës së serbëve në veri?

-Kush ia hoqi taksën Serbisë 100% me 1 prill?

– Kush ia dha Listës Serbe 2 ministri e kjo Lista nuk ia votoi fare qeverinë?

-Kush emëroi këshilltarë serb itharë të kriminelit Ratko Mladiq?

Të gjithë e dijmë nënshtrimin e kësaj qeverie ndaj Serbisë, tani kinse po vendosi reciprocitet.

Populli dhe Kosova nuk meritojnë mashtrime.

Gëzim Kelmendi