Milaim Zeka: Kujt i duket vetja patriot, të shkojë në veri me traktor, t’i rrëzojë shtëpitë që po i ndërtojnë serbët

Ish-deputeti Milaim Zeka duke folur për marrëveshjen në Shtëpinë e Bardhë, ka thënë se ai do të nënshkruante gjithçka që vjen nga Amerika.

Tutje, Zeka ka thënë se të gjithë ata që i thonë vetit ‘patriot’ të shkojnë në Veri dhe të shfaqin heroizmin e tyre, në shtëpitë që po ndërtojnë serbët në trojet e kosovarëve.

Zeka thotë se kush është patriot e trim sot, ‘shkon në veri me traktor i rrëzon shtëpitë ku po kolonizon Serbia”.

“Kush është patriot niset me traktor e del i rrëzon shtëpitë në veri atje ku po kolonizon Serbia. Sot me ma qitë Amerika cfarëdo marrëveshje e nënshkruaj marë e mrapshtë”, ka thënë Zeka në T7.