“Rusia s’do konflikt direkt me forcat amerikane”

Komuniteti i inteligjencës amerikane  ka vlerësuar se shteti i Rusisë nuk dëshiron një konflikt të drejtpërdrejt me forcat amerikane.

CNN ka raportuar duke cituar një vlerësim vjetor të publikuar sot nga Zyra e Drejtorit të Inteligjencës Kombëtarë të Amerikës.

“Rusia kërkon një akomodim me Shtetet e Bashkuara për mosndërhyrje reciproke në punët e brendshme të të dy vendeve dhe SHBA”, thuhet në dokumentin e cituar nga media amerikane, përcjell arbresh.info.

“Moska i sheh aftësitë e saj bërthamore si të nevojshme për ruajtjen e parandalimit dhe arritjen e qëllimeve të saj në një konflikt të mundshëm kundër Shteteve të Bashkuara dhe NATO-s, dhe sheh një parandalues të besueshëm të armëve bërthamore si garantuesin përfundimtar të Federatës Ruse” thuhet në raport.