Shpërthen Challandes: Berisha e kishte me mua, ja çfarë i thash pas ndeshjes

Trajneri i Kosovës, Bernard Challandes ka folur pas ndeshjes duke e analizuar në detaje humbjen ndaj Greqisë.

Ai ka folur për shumë çështje e ndër to është edhe festa e Bernard Berishës pas golit.

“Nuk ishte dita perfekt sot por nuk duhet të harrojmë që na munguan shumë lojtar. kemi luajtur dy ndeshje dhe forma e lojtarëve nuk është si duhet”, ka thënë trajneri pas ndeshjes.

Formacioni i gabuar? “Pas ndeshjes gjithmonë mund të themi se nuk ishte vendim i mirë por unë e di pse e kam marr këtë vendim. Bernardi bëri një punë të mirë dhe unë pres që zëvendësuesi të ndryshoj diçka dhe unë duhet të pranoj kritikat“.

Festimi i Berishës:”Unë nuk pranoj festime të tilla, unë fola me lojtarin dhe i thash që ti me tregove që jam këtu dhe këtë nuk mund ta pranoj. Unë i tregova që unë jam trajneri“.

“Në pjesën e parë nuk ishim aspak agresiv, unë mendoj që ishte një miks në mes të taktikës“.

“Nuk jam i kënaqur me vetveten, nuk jam i kënaqur me këtë lojë, duhet të qëndrojmë me këmbë në tokë, nuk është turp të humbim ndaj Greqisë“.

Trajneri gjithashtu ka fajësuar edhe mungesën e lojtarëve kyç për këtë përformancë sonte./IndeksOnline/