Pse mund të mos e kemi kurrë një vaksinë kundër coronavirusit?!

Pse mund të dështojë një vaksinë?

Në fillim të kësaj jave, një specialist britanik për viruse dhe pandemi, Jonathan Van-Tam tha fjalët që askush nuk dëshironte t’i dëgjonte: “Ne nuk mund të jemi të sigurt se do të kemi një vaksinë”.

Por ai kishte pak a shumë të drejtë. Vaksinat janë të thjeshta në parim, por komplekse në praktikë. Vaksina ideale mbron nga infeksioni, parandalon përhapjen e saj dhe e bën atë të sigurt. Por asgjë nga kjo nuk arrihet lehtësisht, siç tregojnë afatet e vaksinave, shkruan The Guardian.

Më shumë se 30 vjet pasi shkencëtarët izoluan HIV-in, virusin që shkakton SIDA, nuk kemi asnjë vaksinë. Virusi ‘dengue’ u identifikua në vitin 1943, por vaksina e parë u aprovua vetëm vitin e kaluar, dhe madje edhe atëherë, në mes të shqetësimeve, e bëri infeksionin më keq në disa njerëz, transmeton Telegrafi.

Shkencëtarët kanë punuar më parë në vaksinat e coronavirusit, kështu që nuk po fillojnë nga e para. Dy coronaviruse kanë shkaktuar shpërthime vdekjeprurëse më parë, përkatësisht SARS dhe Mers, dhe hulumtimi për vaksinat vazhdoi për të dy. Por asnjëra nuk është licensuar. Mësimet e nxjerra do të ndihmojnë shkencëtarët të krijojnë një vaksinë për Sars-CoV-2, por ka ende shumë për të mësuar rreth virusit.

Një shqetësim kryesor është që coronaviruset nuk kanë tendencë të shkaktojnë imunitet të zgjatur. Rreth një e katërta e ftohjeve të zakonshme janë shkaktuar nga coronaviruset njerëzore, por reagimi imunitar zbehet aq shpejt sa ajo mund të rikthehen përsëri vitin e ardhshëm.

Studiuesit në Universitetin e Oksfordit kohët e fundit analizuan gjakun nga pacientët e rikuperuarme COVID-19 dhe zbuluan se nivelet e antitrupave u rritën në mënyrë të pjerrët në muajin e parë të infeksionit, por më pas filluan të bien përsëri.

Javën e kaluar, shkencëtarët në Universitetin Rockefeller në New York zbuluan se shumica e njerëzve që shëroheshin nga COVID-19 pa shkuar në spital nuk bënin shumë antitrupa vrasës kundër virusit.

“Kjo është veçanërisht sfiduese”, thotë Stanley Perlman, një studiues veteran i coronavirusit në Universitetin e Iowa. “Nëse infeksioni natyror nuk ju jep aq shumë imunitet, përveç kur është një infeksion i rëndë, çfarë do të bëjë një vaksinë? Mund të jetë më mirë, por ne nuk e dimë”.

Pra, a është virusi këtu për të qëndruar?

Përgjigja e thjeshtë është: Po.

Shpresat për eliminimin e virusit fillojnë me një vaksinë, por nuk mbarojnë këtu. “Nëse ne jemi të detyruar të zgjedhim një vaksinë që jep vetëm një vit mbrojtje, atëherë jemi të dënuar që COVID-19 të bëhet endemik, një infeksion që është gjithmonë me ne”, thotë thotë Larry Brilliant, CEO i Pandefense Advisory.

Virusi do të jetë akoma i vështirë për tu mposhtur me një vaksinë që zgjat me vite.

“Do të jetë më e vështirë të heqësh qafe COVID-19”, thotë Brilliant.

Ndërsa David Salisbury, ish drejtori i imunizimit në Departamentin e Shëndetësisë tha: “Në qoftë se nuk kemi një vaksinë të disponueshme në sasi të pabesueshme që mund të administrohen jashtëzakonisht shpejt në të gjitha komunitetet në botë, ne do të kemi boshllëqe në mbrojtjet në të cilat virusi mund të vazhdojë të qarkullojë brenda”, përcjell Telegrafi.

Si do të jetojmë me virusin?

Njerëzit do të duhet të përshtaten – dhe jeta do të ndryshojë. Do të duhet të mësohemi me një monitorim të gjerë të infeksioneve të mbështetur nga kontrolli i shpejtë i shpërthimit. Njerëzit duhet të luajnë gjithashtu pjesën e tyre, duke larë duart, distanca fizike dhe duke shmangur tubimet, veçanërisht në hapësirat e mbyllura.

Yuen Kwok-yung, një profesor i sëmundjes infektive në Universitetin e Hong Kongut, ka këshilluar qeverinë e tij që të gjitha distancimet sociale të mund të relaksohen – por vetëm nëse njerëzit veshin maska ​​në hapësira të mbyllura, si në trena dhe në punë, dhe se nuk ka ushqim ose pije në koncerte dhe kinema.

Në restorante, tavolinat do të duhet të largohen nga njëra-tjetra dhe stafi që shërben do të ndjekë rregulla të rrepta për të parandaluar përhapjen e virusit.

Sarita Jane Robinson, një psikologe që studion përgjigjet ndaj kërcënimeve në Universitetin e Lancashire Qendrore, thotë se njerëzit akoma janë duke u përshtatur me “normalen e re”. /Telegrafi/