Arrijnë në Kosovë frigoriferët për ruajtjen e vaksinës kundër Covid-19

Frigoriferët për ruajtjen e vaksinës kundër koronavirusit kanë arritur në Kosovë.

Këtë e ka bërë të dituar vet ministri i Shëndetësisë, Armend Zemaj duke thënë se Kosova është gati për pranimin e vaksinës.

“Qytetarë të vendit tim, profesionistë shëndetësorë, partnerë ndërkombëtarë, bashkëpunëtorë në luftimin e pandemisë Covid-19,Sot arritën frigoriferët për ruajtjen e vaksinës anti Covid, të siguruar nga Ministria e Shëndetësisë që bëjnë ftohjen dhe mirëmbajtjen për vaksinat deri në – 86 gradë. Jemi gati për pranimin e vaksinës, siç kërkojnë kushtet e ruajtjes, të cilat e kërkojnë frigoriferin deri në minus 70 gradë”, ka shkruar Zemaj.

“Po ashtu, kemi përgatitur strategjinë për vaksinim dhe distribuimin e saj. Në MSh dhe IKShKP janë marrë të gjitha masat dhe jemi përgatitur për vaksinim. Vaksina po vjen!Ruani higjienën, bartni maskë dhe mbani distancën!Bashkë ia dalim!”