Mungesa e vitaminës D, e ndërlidhur me nivelet e larta të depresionit

Në studimin e ri, i cili është prezantuar në International Early Psychosis Assocation, shkencëtarët kishin testuar nivelet e vitaminës D mes 225 pacientëve të cilët ishin duke u trajtuar për çrregullime psikotike dhe 159 njerëz tjerë të shëndetit të mirë

Ata kishin zbuluar një ndërlidhje të dukshme mes niveleve të vogla të vitaminës D dhe niveleve të larta të simptomave negative dhe depresionit mes njerëzve me psikozë.

Studiuesit gjithashtu kishin zbuluar një ndërlidhje me rrjedhshmërinë verbale dhe dëmet kognitive, transmeton Telegrafi.

Në një letër të publikuar në revistën Schizophrenia Research, hulumtuesit, nga Norvegjia, kishin sugjeruar se vitamina D mund të përdoret për t’i trajtuar pacientët.

Sidoqoftë, ende janë duke u kryer studime më të hollësishme rreth efektit të vitaminës D në tru. Megjithatë, mungesa e rrezeve të diellit gjithmonë është ndërlidhur me depresionin në përgjithësi.